საპატრიარქოს კომერციული საქმიანობა კერძო კომპანიებისა და სულიერების სახელით

წმ. კვიპრიანე კართაგენელი: "მრავალმა ეპისკოპოსმა, რომლებმაც სხვები უნდა შეაგონონ და მათთვის მაგალითი იყვნენ, მიატოვა ღვთაებრივზე ფიქრი და ამქვეყნიურ საქმეებზე ზრუნვა დაიწყო: მიატოვეს კათედრა და ხალხი, დაწანწალებენ უცხო მხარეებში და ცდილობენ არ გამოტოვონ სავაჭრო დღეები, რათა მოიპოვონ მატერიალური შემოსავალი. მაშინ, როდესაც ძმები ეკლესიაში შიმშილობენ, მოხვეჭის ვნებით გატაცებული ეპისკოპოსები ავაზაკურად ეუფლებიან საერთო შემოსავალს..."

სა­ქარ­თვე­ლოს სა­პატ­რი­არ­ქო და მი­სი ეპარ­ქი­ის წარ­მომა­დგენ­ლები არა­ერ­თი კერ­ძო კომ­პა­ნი­ის 100%-ია­ნი წი­ლის მფლობელ­ნი და თა­ნამ­ფლობელ­ნი არი­ან, რო­მელ­თა უმე­ტე­სობა კო­მერ­ცი­უ­ლი საქ­მი­ა­ნობის მიზ­ნით არის შექ­მნი­ლი.
სა­კუ­თა­რი, კერ­ძო კომ­პა­ნიების­გან მი­ღებულ შე­მო­სავ­ლებს, ხელი­სუფ­ლების მი­ერ სახელ­მიწ­ფო ბიუჯეტი­დან სა­პატ­რი­არ­ქოს­თვის გა­და­რიცხული სო­ლი­დუ­რი და­ფი­ნან­სებაც ემა­ტება, რა­მაც  2002 წლი­დან დღემ­დე 200 მი­ლი­ო­ნი ლა­რი შე­ად­გი­ნა. 
რას და რა ფორ­მით ფლობს სა­ქარ­თვე­ლოს სა­პატ­რი­არ­ქო და მი­სი ეპარ­ქი­ის წარ­მო­მად­გენ­ლები? - „ახალი გა­ზე­თი" ჟურ­ნა­ლის­ტურ გა­მო­ძიებაში აღ­ნიშ­ნულ კითხვებზე პა­სუხების გა­ცე­მას შე­ე­ცა­და.  რო­გორც აღ­მოჩ­ნდა, სა­პატ­რი­არ­ქოს ეკო­ნო­მი­კუ­რი საქ­მი­ა­ნობა და მის ირ­გვლივ არ­სებული ფი­ნან­სუ­რი აქ­ტი­ვები ძი­რი­თა­დ შემთხვე­ვებ­ში შავ ხვრე­ლად რჩება.

2002 წლის 14 ოქ­ტომბერს, სა­ქარ­თვე­ლოს სა­მო­ცი­ქუ­ლო ავ­ტო­კე­ფა­ლურ მარ­თლმა­დი­დებელ ეკ­ლე­სი­ას და სა­ქარ­თვე­ლოს სახელ­მწი­ფოს შო­რის კონ­სტი­ტუ­ცი­უ­რი შე­თანხმება  გა­ფორ­მდა. აღ­ნიშ­ნუ­ლი შე­თანხმების მე­ექ­ვსე მუხლი  სწო­რედ ეკ­ლე­სი­ის სა­კუთ­რებას და მის ქო­ნებრივ უფ­ლე­ბებს ეხება. კერ­ძოდ ის, რომ ეკ­ლე­სი­ის სა­კუთ­რება და სხვა ქო­ნებრი­ვი უფ­ლებები და­ცუ­ლია კა­ნო­ნით, ხოლო ეკ­ლე­სი­ის სა­კუთ­რებაში შე­იძ­ლება იყოს ნების­მი­ე­რი ქო­ნება, რო­მე­ლიც არ არის აკ­რძა­ლუ­ლი სა­ქარ­თვე­ლოს კა­ნონ­მდებლობით.
კონ­სტი­ტუ­ცი­უ­რი შე­თანხმება ასე­ვე გვა­უწყებს, რომ: „ეკ­ლე­სია თა­ვის არა­საღ­ვთის­მსახურო ქო­ნების ფლობას, სარ­გებლობასა და გან­კარ­გვას ახორ­ცი­ე­ლებს სა­ეკ­ლე­სიო სა­მარ­თლებრი­ვი ნორ­მებითა და სა­ქარ­თვე­ლოს მოქ­მე­დი კა­ნონ­მდებლობით. ასე­ვე, ეკ­ლე­სია უშუ­ა­ლოდ არ ახორ­ცი­ე­ლებს სა­მე­წარ­მეო საქ­მი­ა­ნობას.

ეკ­ლე­სი­ის და­ფი­ნან­სების წყაროს წარ­მო­ად­გენს: ნებაყოფ­ლობითი შე­მო­წი­რუ­ლობანი, სა­მე­წარ­მეო შე­მო­სავ­ლები, ინ­ვეს­ტი­ციები, გრან­ტები, დახმა­რებები, მოქ­მე­დი კა­ნონ­მდებლობის შე­საბამი­სად მი­ღებული სხვა შე­მო­სავ­ლები.
ეკ­ლე­სი­ის მი­ერ წარ­მოებული საღ­ვთის­მსახურო პრო­დუქ­ცია - მი­სი დამ­ზა­დება, შე­მო­ტა­ნა, მი­წო­დება და შე­მო­წი­რუ­ლობა, ასე­ვე არა­ე­კო­ნო­მი­კუ­რი მიზ­ნით არ­სებული ქო­ნება და მი­წა გა­თა­ვი­სუფ­ლებულია გა­და­სახადებისა­გან.
სახელ­მწი­ფო ეკ­ლე­სი­ას­თან შე­თანხმებით იძ­ლე­ვა ნებარ­თვას ან ლი­ცენ­ზი­ას ეკ­ლე­სი­ის ოფი­ცი­ა­ლუ­რი ტერ­მი­ნო­ლო­გი­ი­სა და სიმბოლი­კის გა­მოყენებაზე, აგ­რეთ­ვე, საღ­ვთის­მსახურო პრო­დუქ­ცი­ის დამ­ზა­დებაზე, შე­მო­ტა­ნა­სა და მი­წო­დებაზე".
საქ­მი­ა­ნობა  - კო­მერ­ცი­უ­ლი - სა­პატ­რი­არ­ქო და მი­სი წარ­მო­მად­გნე­ლები 
კერ­ძო კომ­პა­ნიებში

 მართალია სახელმწიფოსა და ეკლესიას შორის გაფორმებული კონსტიტუციური შეთანხმების მიხედვით   ეკ­ლე­სია უშუ­ა­ლოდ არ ახორ­ცი­ე­ლებს სა­მე­წარ­მეო საქ­მი­ა­ნობას, თუმ­ცა, სა­ქარ­თვე­ლოს სა­პატ­რი­არ­ქო და  მი­სი ეპარ­ქი­ის წარ­მო­მად­გენ­ლები  არა­ერ­თი კერ­ძო კო­მ­პა­ნი­ის 100%-ია­ნი წლის მფლობელად და თა­ნამ­ფლობელად გვევ­ლი­ნებიან.

შპს „მესხური ბარა­ქა"

საჯარო რე­ეს­ტრის ოფი­ცი­ა­ლუ­რი მო­ნაც­მების მიხედ­ვით,  სა­ქარ­თვე­ლოს სა­პატ­რი­არ­ქო  50%-იან წილს ფლობს შპს „მესხური ბარა­ქა"-ში, აღ­ნიშ­ნუ­ლი კომ­პა­ნი­ის და­ნარ­ჩე­ნი 50% - კი IOCC სა­ქარ­თვე­ლოს ფონდს ეკუთ­ვნის.
საჯარო რე­ეს­ტრის მო­ნაცე­მებით ირ­კე­ვა, რომ 2008 წელს, კომ­პა­ნია და­რე­გის­ტი­რებულია რო­გორც კვების პრო­დუქ­ტების მწარ­მოებელ, დის­ტრიბუტორ სა­წარ­მოდ. კერ­ძოდ, ის რძი­სა და რძის პრო­დუქ­ტების გა­და­და­მუ­შა­ვებელ წარ­მოებას ეწე­ვა.

შპს „რო­კი"

კი­დევ ერ­თი კომ­პა­ნი­ა, რომ­ლის 100%-ია­ნი წი­ლის მფლობელი სა­ქარ­თვე­ლოს სა­პატ­რი­არ­ქოა შპს „რო­კი" გახლავთ. აღ­ნიშ­ნუ­ლი შპს-ს  22%  თა­ვა­და­პირ­ვე­ლად კომ­პა­ნი­ის დი­რექ­ტორს, რო­მან კუ­მე­ლაშ­ვილს ეკუთ­ვნო­და. თუმ­ცა, ამ უკ­ნას­კნე­ლის­გან 22%-ია­ნი სა­წეს­დებო კა­პი­ტა­ლის შე­სა­ძე­ნად სა­პატ­რი­არ­ქომ, 2010 წლის 16 აგ­ვის­ტოს, 150 000 დო­ლა­რი გა­დაიხადა. ამას­თან ერ­თად, რო­მან კუ­მე­ლაშ­ვილ­მა მო­ისხნსა დი­რექ­ტო­რის თა­ნამ­დებობა. დღეს­დღეობით კომ­პა­ნი­ის დი­რექ­ტო­რი და­რეჯან შენ­გე­ლია გახლავთ.
აღ­სა­ნიშ­ნა­ვი­ა, რომ შპს „რო­კი"-ს სა­მე­წარ­მეო საქ­მი­ა­ნობას­თან დაკ­ვში­რებით მი­თი­თებული­ა, რომ კომ­პა­ნი­ას არ აქვს კავ­ში­რი: სურ­სა­თის, საკ­ვების წარ­მოებას­თან, გა­და­მუ­შა­ვებას­თან, დის­ტრიბუცი­ას­თან, რე­ა­ლი­ზა­ცი­ას­თან, სას­მელ-სა­მე­ურ­ნეო წყლით მო­მა­რა­გებას­თან და საკ­ვებ ობიექ­ტთან. თუმ­ცა, თუ რა საქ­მი­ა­ნობას ეწე­ვა აღ­ნიშ­ნუ­ლი კომ­პა­ნი­ა, არ­სად მი­თი­თებული არ არის.

შპს „არ­გო-სე­ნა­კი"

სა­მა­გი­ე­როდ, საკ­მა­დო დე­ტა­ლუ­რად არის გან­საზ­ღვრუ­ლი შპს „არ­გო-სე­ნა­კის" საქ­მი­ა­ნობის არ­ცთუ მცი­რე ჩა­მო­ნათ­ვა­ლი, სა­დაც სა­ქარ­თვე­ლოს სა­პატ­რი­არ­ქო 5%-ია­ნი წი­ლის მფლობელი­ა.  და­ნარ­ჩე­ნი 75% ს/ს „არ­გო ჰოლ­დინგ ჯორჯია"-ს ეკუთ­ვნის, ხოლო 20%0ია­ნი წი­ლის მფლობელი და­ვით ფირცხალა­ვა  გახლავთ.
საჯარო რე­ეს­ტრის ოფი­ცი­ა­ლუ­რი მო­ნა­ცე­მების თა­ნახმად, შპს „არ­გო სე­ნა­კი" თავ­და­პირ­ველად შპს „წყაროს" სახელით, ფო­თის ეპის­კო­პოს­მა გრი­გოლ­მა (ბერბიჭაშ­ვი­ლი) და­ა­ფუძ­ნა. იქ­ვე გა­ნი­საზ­ღვრა კომ­პა­ნი­ის საქ­მი­ა­ნობის სახეები:   წარ­მოება (სა­სურ­სა­თო სა­ქონ­ლის, სახალხო მოხმა­რების და სახალხო რეწ­ვის სა­ქონ­ლის და სა­წარ­მოო ტექ­ნი­კუ­რი და­ნიშ­ნუ­ლების პრო­დუქ­ცი­ის წარ­მოება, საბითუ­მო  და სა­ცა­ლო რე­ა­ლი­ზა­ცი­ა, სა­კო­მი­სიო ვაჭ­რობა. ასე­ვე,  ალ­კოჰოლუ­რი და უალ­კოჰულო სას­მე­ლების,  მი­ნე­რა­ლუ­რი წყლების ჩა­მოსხმა, ჩა­ის წარ­მოება და გა­და­მუ­შა­ვება); ვაჭ­რობა (სა­კონ­სიგ­ნა­ციო და საბაჟო საწყობების შექ­მნა და ექ­სპლო­ა­ტა­ცია) ტრან­სპორ­ტი;  (მგზავ­რების გა­დაყვა­ნა, ტვირ­თების გა­და­ზიდ­ვის ორ­გა­ნი­ზება და განხორ­ცი­ე­ლება);  საზ­კვება (სა­ზო­გა­დოებრი­ვი კვების პრო­დუქ­ტების წარ­მოების, რე­ა­ლი­ზა­ცი­ის მოხმა­რების ორ­გა­ნი­ზებას­თან  და­კავ­ში­რებული საქ­მი­ა­ნობა - სა­სა­დი­ლო, კა­ფე, რეს­ტო­რა­ნი, ბარი და ა.შ) ფი­ნან­სები (სა­ქარ­თვე­ლო­სა და უცხოე­ლი იუ­რი­დი­უ­ლი და ფი­ზი­კუ­რი პი­რების სახსრებისა და მა­ტე­რი­ა­ლუ­რი რე­სურ­სების კო­ო­პე­რი­რება, სა­წარ­მო­თა და ორ­გან­იზა­ციების თხოვ­ნით აღ­ჭურ­ვი­ლობის, სატ­რან­სპორ­ტო სა­შუ­ა­ლებების, ტექ­ნი­კის, და­ნად­გა­რების და სხვა ქო­ნების შესყიდ­ვა და იჯარით გა­ცე­მა გა­მოსყიდ­ვის უფ­ლებით (ლი­ზინ­გი), სა­კუ­თა­რი სა­ფი­ნან­სო და­წე­სებულების და­ფი­ნა­ნსება, სა­გა­რეო-ეკო­მო­ნი­კუ­რი საქ­მი­ა­ნობა, ექ­სპორტ-იმ­პორ­ტი) და სხვა საქ­მი­ა­ნობის განხორ­ცი­ე­ლება, რო­გორც რეს­პუბილი­კა­ში, ასე­ვე, საზ­ღვარ­გა­რეთ, რო­მე­ლიც არ იკ­რძა­ლება სხვა სახელ­მწი­ფოს კა­ნონ­მდებლობით.
მოგ­ვი­ა­ნებით, „არ­გო სე­ნაკ­ში" დამ­ფუძ­ნებელ­თა წი­ლი შემ­დეგ­ნა­ი­რად გა­და­ნა­წილ­და - 10% ფო­თის ეპარ­ქი­ა, ხოლო 90% და­ვით ფირცხალა­ვა.

1999 წლის 28 ოქ­ტომბრის ცვლი­ლებით კი,  შპს „არ­გო სე­ნა­კის" დამ­ფუძ­ნებელ­თა რიცხვის და­ე­მა­ტა ს/ს „აგ­რო ჰოლ­დინ­გი", კომ­პა­ნი­ა­ში 75%-ია­ნი წი­ლობრი­ვი შე­ნა­ტა­ნით, სა­ქარ­თვე­ლოს მარ­თმა­დი­დებელი ეკ­ლე­სი­ის ფო­თის ეპარ­ქია - 5%, ხოლო და­ვით ფირცხავა­ლა 20 %. (დღე­ის მდგო­მა­როებით ,,შპს არ­გო სე­ნა­კი"-ს უძ­რა­ვი ქო­ნება - სო­ფელ თეკ­ლარ­ში სა­სოფ­ლო-სა­მე­ურ­ნო მი­წის ნა­კევ­თი 84 ჰა. დაყადა­ღებული­ა,  და­ნარ­ჩე­ნი ქო­ნება კი იპო­თე­კით არის დატ­ვირ­თუ­ლი).






შპს „დიაბაზი"

მო­რი­გი კომ­პა­ნი­ა, რომ­ელიც ასე­ვე, კო­მერ­ცი­უ­ლი საქ­მი­ა­ნობის­თვის, სა­ქარ­თვე­ლოს სა­პატ­რი­არ­ქოს მი­ერ არის შექ­მნი­ლი შპს „დიაბაზი" გახლავთ. კომ­პა­ნი­ის სა­წეს­დებო კა­პი­ტა­ლი შე­ად­გენს 2500 ლარს, რომ­ლის 100% ეკუთ­ვის სა­ქარ­თვე­ლოს სა­პატ­რი­არ­ქოს.
ოფი­ცი­ა­ლუ­რი მო­ნა­ცე­მების მიხედ­ვით, შპს „დიაბაზი" -ს საქ­მი­ა­ნობა გან­საზ­ღვრუ­ლია შემ­დეგ­ნა­ირ­ად: ეკ­ლე­სია-მო­ნას­ტრებისა და სხვა სახის მშე­ნებლობის­თვის სამ­შე­ნებლო მა­სა­ლების წარ­მოება, სხვა­დასხვა სახის ქვის და­მუ­შა­ვება. თუმ­ცა, აქ­ვე მი­თი­თებული­ა, რომ კომ­პა­ნიას შე­უძ­ლია აწარ­მო­ოს ნების­მი­ე­რი სხვა სახის საქ­მი­ა­ნობა, რო­გორც სა­ქარ­თვე­ლო­ში, ასე­ვე, სხვა ქვეყანა­ში, რო­მე­ლიც არ არის აკ­რძა­ლუ­ლი ამ ქვეყნის კა­ნონ­მდებლობით.

შპს „გე­ლა­თის წყარო"

სა­მე­წარ­მეო საქ­მი­ა­ნობას, მო­გების მი­ღების მიზ­ნით, ასე­ვე, ეწე­ვა კომ­პა­ნია შპს „გე­ლა­თის წყარო", რო­მე­ლიც საჯარო რე­ეს­ტრის ოფი­ცი­ა­ლუ­რი მო­ნა­ცე­მების მიხედ­ვით, ქუ­თა­თელ–გა­ე­ნა­თე­ლი მიტ­რო­პო­ლი­ტის, მე­უ­ფე კა­ლის­ტრა­ტეს (შო­თა მარ­გა­ლი­ტაშ­ვი­ლი) სა­კუ­თა­რებაში ირიცხება. აღ­ნიშ­ნუ­ლი შპს 2010 წლის სექ­ტემბერ­ში კვების პრო­დუქ­ტების მწარ­მოებელ­/დის­ტრიბუტორ სა­წარ­მოდ არის რე­გის­ტრი­რებული. კომ­პა­ნი­ის 100%-ს შო­თა მარ­გა­ლი­ტაშ­ვი­ლი ფლობს, ხოლო დი­რექ­ტო­რი თა­მაზ ნებიე­რი­ძე გახლავთ. კომ­პა­ნი­ის სა­წეს­დებო კა­პი­ტალ­მა შე­ად­გი­ნა 63.250 ლა­რი, ქო­ნებრი­ვი შე­ნა­ტა­ნით.
შპს „გე­ლა­თის წყარო" წეს­დებაში აღ­ნიშ­ნუ­ლი­ა, რომ მი­სი საქ­მი­ა­ნობის სა­გა­ნი­ა, წყაროს წლის ჩა­მოსხმა, რე­ა­ლი­ზა­ცი­ა. ასე­ვე, „სა­ზო­გა­დოება ეწე­ვა მო­გების მი­ღების მიზ­ნით წარ­მოებული ნების­მი­ე­რი სახის სა­ქი­ა­ნობას, რაც სა­ქარ­თვე­ლოს კა­ნონ­მდებლობით არ არის აკ­რძა­ლუ­ლი".
როგორც ჩანს, კომპანიას მოგებას წყლის ჩამოსხმაც აძლევს, რომლის რეალიზაცია ბაგრატის ტაძარშიც კი ხდება. ტაძარში გაკეთებულია სპეციალური კუთხე, სადაც ბოთლებში ჩამოსხმული გელათის წყალია დაწყობილი. მათ თავზე კი გაკეთებულია შემდეგი წარწერა: "ნაკურთხი გელათის წყალი, ფასი 1 ლარი".

ამის მიუხედავად, მეუფლე კალისტრატე აცხადებს, რომ კომპანიის მიერ ჩამოსხმული წყალი არ იყიდება.
„გა­ვი­გე რომ იყიდებოდა გე­ლა­თის წყალი, შე­ვისყიდე, ამით  მო­ნას­ტერს და მო­სახლეობას წყალი შე­ვუ­ნარ­ჩუ­ნე. ერ­თი ლიტ­რა არ გაყიდუ­ლა მა­ღა­ზიებში. ერ­თი პა­ტა­რა ცეხია გა­კე­თებული, ჰუმა­ნი­ტა­რუ­ლი და ისიც  სახელ­მწი­ფოს გა­და­სახადებს ვიხდით. მე იქე­დან ერ­თი მა­ნე­თი არ წა­მო­მი­ღი­ა. რაც ბერს აქვს ის ეკ­ლე­სი­ის სა­კუთ­რებაა. რა ბიზ­ნე­სი მაქვს. ნე­ტა მქონ­დეს, ეს თქვე­ნი სა­კუთ­რებაა," -  ამბობს ქუ­თა­თელ-გა­ე­ნა­თე­ლი მიტ­რო­პო­ლი­ტი, მე­უ­ფე კა­ლის­ტრა­ტე.

და­ვით აღ­მა­შე­ნებლის სახელობის ქუ­თა­ი­სის სა­ეკ­ლე­სიო სა­ა­ვადმყოფო

თა­ვის მხრი­ვ, შპს „გე­ლა­თის წყაროს" დამ­ფუძ­ნებელი,  მე­უ­ფე კა­ლის­ტრა­ტე გახლავთ და­ვით აღ­მა­შე­ნებლის სახელობის ქუ­თა­ი­სის სა­ეკ­ლე­სიო სა­ა­ვადმყოფოს დი­რექ­ტო­რი, ხოლო აღ­ნიშ­ნუ­ლი სა­მე­დი­ცი­ნო და­წე­სებულების 100%-იან წილს სა­ქარ­თვე­ლოს სა­პატ­რი­არ­ქო ფლობს.
მიუხედა­ვად იმი­სა, რომ სა­ეკ­ლე­სიო სა­ა­ვადმყოფო ქუ­თა­ი­სის სხვა სა­მე­დი­ცი­ნო და­წე­სებულების­გან მომ­სახურების პი­რობებით არ განსხვავ­დება, მე­უ­ფე კა­ლის­ტრა­ტე მის გან­მასხვა­ვებლად სუ­ლი­ერ და­ნიშ­ნუ­ლებას მი­იჩ­ნევს.
„შე­ვარ­დნა­ძის  პრე­ზი­დენ­ტობის დროს გად­მოგ­ვე­ცა ეს სა­ა­ვადმყოფო და­სავ­ლეთ სა­ქარ­თვე­ლო­ში სარ­წმუ­ნოების გამ­ტკიცების მიზ­ნით. სა­ეკ­ლე­სიო სა­ა­ვადმყოფო უკ­ვე დახმა­რებას ნიშ­ნავს. ჩვენ­თან ჯერ სუ­ლი­ე­რი მკურ­ნა­ლობა მი­დის, ეკ­ლე­სია აშენ­და, მა­ლე მო­ნას­ტერს გავხსნით. მე­ტი სითბო იქ­ნება პა­ცი­ენ­ტების მი­მართ. აქ­ცენ­ტი გა­კეთ­დება არა  მარ­ტო ხორ­ცი­ელ­ზე, არა­მედ სუ­ლი­ერ­ზეც, რად­გან სუ­ლი­ე­რი ავადმყოფი მე­ტი­ა. სა­ა­ვადმყოფო ჯერ აღ­მშე­ნებლობის პრო­ცეს­შია", -–ამბობს მიტ­რო­პო­ლი­ტი.
„ეს არის სიტყვების რახა-რუხი, არა­ვი­თა­რი სუ­ლი­ე­რება იქ არ არის. თეკ­ლას მო­ნას­ტერ­ში იყო ერ­თი მორ­ჩი­ლი, რომ­ლებ­იც სა­ჭი­როებდა მკურ­ნა­ლობას, ვურ­ჩიე სა­ეკ­ლე­სიო სა­ა­ვადმყოფო­ში მი­სუ­ლიყო, უსა­ფრთხოა და და­გემხარებიან­თო. ცო­ტა ხნის მე­რე ვნახე და მითხრა, ვიყავი მე­უ­ფეს­თან და ასე მითხრა - რა უფა­სოდ გიმ­კურ­ნა­ლებ, მე ეს სა­ა­ვადმყოფო ფუ­ლი მიჯდებაო," - იხსე­ნებს ქუ­თა­ის­ში მო­მუ­შა­ვე ჟურ­ნა­ლის­ტი და­ლი ბარაბაძე. ხოლო სა­მე­დი­ცი­ნო და­წე­სებულების მედ­პერ­სო­ნა­ლი დაბალ ხელ­ფა­სებზე და შე­უ­საბამო პი­რობებზე აკე­თებს აქ­ცენტს.
„რამ­დე­ნი­მე თვის წინ,  ერთ ექ­იმს 7 ლა­რი გა­მო­უ­წე­რეს ხელ­ფა­სი.  ეს სირცხვილი არ არის? რას და რო­გორ გვიხდი­ან დი­რექ­ტორს კითხეთ. ძა­ლი­ან უკ­მაყოფი­ლო ვართ," - აცხადებს სა­ა­ვადმყოფოს პერ­სო­ნა­ლი.
მე­უ­ფე კა­ლის­ტრა­ტე კი გან­მარ­ტავს, რომ სა­მე­დი­ცი­ნო და­წე­სებულებაში მი­სი მის­ვლის დროს დაბალი ხელ­ფა­სები იყო, სა­ნი­ტარს 5 ლა­რი, ექ­თანს 10 ლა­რი, ხოლო ექიმს 100-150 ლა­რი ჰქონ­და. „ახლა კი მი­ნი­მა­ლუ­რი ხელ­ფა­სი 150 ლა­რი­დან იწყება და ექიმს 3000-5000 ლა­რი აქვს ანაზ­ღა­უ­რება", - ამბობს მიტ­რო­პო­ლი­ტი. მი­სი­ვე თქმით,  ქველ­მოქ­მე­დების­თვის და უფა­სო მკურ­ნა­ლობის­თვის ჯერ ფონ­დი არ არის შექ­მნი­ლი, „თუმ­ცა, ჩვენ­თან მკურ­ნა­ლობა დაბალ ფა­სებში ხდება. პა­რა­ლე­ლუ­რად რე­ფორ­მა მი­დის," - ამბობს მე­უ­ფე კა­ლის­ტრა­ტე.

შპს „აქ­ვა გე­ო"

სა­ქარ­თვე­ლოს სა­პატ­რი­არ­ქო „სნო"-ს მწარ­მოებელი კომ­პა­ნი­ის თა­ნამ­ფლობელიც გახლავთ. საჯარო რე­ეს­ტრის ოფი­ცი­ა­ლუ­რი მო­ნა­ცე­მების თა­ნახმად, სა­ქარ­თვე­ლოს სა­პატ­რი­არ­ქო 20 %-ია­ნი წი­ლის მფლობელია მი­ნე­რა­ლუ­რი წყლების მწარ­მოებელ კომ­პა­ნია შპს „აქ­ვა გეო"-ში. აღ­ნიშ­ნუ­ლი კომ­პა­ნია მი­ნე­რა­ლუ­რი წყლების ბრენდს „სნო"-ს აწარ­მოებს.

საჯარო რე­ეს­ტრის ოფი­ცი­ა­ლუ­რი მო­ნა­ცე­მების მიხედ­ვით, კომ­პა­ნი­ის და­ნარ­ჩე­ნი 80%-ის მფლობელი ვახტანგ ლი­პარ­ტი­ა­ნი­ა, კომ­პა­ნი­ის დი­რექ­ტო­რი კი და­ვით გი­გა­ი­ა­ა.

აღ­სა­ნიშ­ნა­ვია რომ კომ­პა­ნია „აქ­ვა გეო"-ს სახელ­მწი­ფოს მი­ერ გა­მოცხადებულ 21 ტენ­დერ­ში აქვს მო­ნა­წი­ლეობა მი­ღებული, აქე­დან კომ­პა­ნი­ამ 10 ტენ­დერ­ში გა­ი­მარჯვა. მო­გებული კონ­ტრაქ­ტების სა­ერ­თო საბაზ­რო ღი­რებულება 203 ათას ლარს შე­ად­გენს (202 929 ლა­რი). ამის შე­სახებ ინ­ფორ­მა­ცი­ას ვებ–გვერ­დი  ten­der­monito­r.ge იძ­ლე­ვა, რო­მე­ლიც „სა­ერ­თა­შო­რი­სო გამ­ჭვირ­ვა­ლობა – სა­ქარ­თვე­ლოს“ მი­ერ არის შექ­მნი­ლი.

ოფი­ცი­ა­ლუ­რი მო­ნა­ცე­მების თა­ნახმად, შპს „აქ­ვა გე­ოს"  შემსყიდ­ვე­ლების­თვის მი­ნე­რა­ლუ­რი წყლის­მი­წო­დება უნ­და უზ­რუნ­ველყო. შემსყიდ­ველ უწყებებს შო­რის არი­ან სა­ქარ­თვე­ლოს თავ­დაც­ვის ­სა­მი­ნის­ტრო, სა­ქარ­თვე­ლოს შსს აკა­დე­მი­ა, შსს საჯარო სა­მარ­თლის იუ­რი­დი­უ­ლი პი­რი - 112,სა­ქარ­თვე­ლოს კულ­ტუ­რი­სა და ძეგ­ლთა დაც­ვის სა­მი­ნის­ტრო, შსს სა­პატ­რუ­ლო პო­ლი­ცი­ის დე­პარ­ტა­მენ­ტი,შსს ქვე­მო ქარ­თლის სამხარეო მთა­ვა­რი სამ­მარ­თვე­ლო, შპს სა­ქა­ე­რო­ნა­ვი­გა­ცია და სხვა და­წე­სებულებები.

და სხვა ქო­ნება...

ზე­მოთ­ჩა­მოთ­ვლი­ლი კომ­პა­ნიების გარ­და, სა­ქარ­თვე­ლოს სა­პატ­რი­აქ­რო შპს „ემ­.ემ.ბე"-ს 100%-იან წილს ფლობს.  სა­ქარ­თვე­ლოს ავ­ტო­კე­ფა­ლუ­რი მარ­თლმა­დი­დებელი ეკ­ლე­სია ასე­ვე, 100 %-ის მფლობელია შპს „სა­ქარ­თვე­ლოს სა­პატ­რი­არ­ქოს კრწა­ნი­სის ტყე-პარ­კის გან­ვი­თა­რების ფონ­დი"-ს.  გარ­და ამი­სა,  სა­პატ­რი­არ­ქო  ფლობს  70%-ს შპს „მე­გობრობა"-ში, რომ­ლის 30% - სა­ზო­გა­დოება გა­მომ­ცემ­ლობა გვირ­გვი­ნის სა­კუთ­რებაა.

„ეკ­ლე­სი­ის ქო­ნების კულ­ტუ­რამ სა­ინ­ტე­რე­სო გან­ვი­თა­რება გან­ვლო. საწყის ფა­ზა­ში ქრის­ტი­ა­ნები მხოლოდ შე­მო­წი­რუ­ლობებით არ­სებობდნენ, ერ­თმა­ნეთს ქო­ნებას უყოფ­დნენ და ეხმა­რებოდ­ნენ. მა­ტე­რი­ა­ლუ­რი ქო­ნების დაგ­რო­ვების ხანა აქ­ტი­უ­რად, საბჭო­თა კავ­ში­რის დან­გრე­ვის შემ­დეგ და­იწყო. სა­პატ­რი­არ­ქო და ცალ­კე­უ­ლი სა­სუ­ლი­ე­რო პი­რები, ახალი ტი­პის "ბიზ­ნეს­მე­ნებთან" ერ­თად ჯარ­თით, სპირ­ტი­ა­ნი სას­მე­ლებითა და სი­გა­რე­ტებით ვაჭ­რობდნენ. ვი­ნა­ი­დან სა­პატ­რი­არ­ქო თა­ვი­დან­ვე გა­თა­ვი­სუფ­ლებული იყო გა­და­სახადებისა­გან. "საქ­მოს­ნებს" აწყობდათ სა­ერ­თო ბიზ­ნე­სი, მი­სი წილ­ში გაყვა­ნა მფარ­ვე­ლობის სა­ნაც­ვლოდ და ასე შემ­დეგ. სე­მი­ნა­რი­ა­ში სწავ­ლი­სას, 2005 წელს ჩემ­მა მე­გობრებმა და მე ამის და­მა­დას­ტურებელი დო­კუ­მენ­ტები მო­ვი­პო­ვეთ. თით­ქმის იგი­ვე სი­ტუ­ა­ცი­აა დღეს, სა­პატ­რი­არ­ქოს ეკო­ნო­მი­კუ­რი საქ­მი­ა­ნობა და მის ირ­გვლივ არ­სებული ფი­ნან­სუ­რი აქ­ტი­ვები ძი­რი­თა­დად არის შა­ვი ხვრე­ლი სახელ­მწი­ფო­ში, შე­უ­ვა­ლი ყოველ­გვა­რი სა­კა­ნონ­მდებლო რე­გუ­ლა­ცი­ი­სა და კონ­ტრო­ლი­სა­გან. თუმ­ცა გვხდება ოფი­ცი­ა­ლუ­რად და­რე­გის­ტრი­რებული ბიზ­ნეს­საქ­მი­ა­ნობა და წი­ლებიც. კითხვა­ზე უნ­და გა­აჩ­ნდეს თუ არა ეკ­ლე­სი­ას ქო­ნება, ჩე­მი პა­სუხი არის დიახ, უნ­და გა­აჩ­ნდეს, უბრა­ლოდ სა­კითხი დგას რო­გორ და რა ფორ­მით," - მი­იჩ­ნევს თე­ო­ლო­გი, მი­რი­ან გამ­რე­კე­ლაშ­ვი­ლი.

რას მო­ითხოვს და კრძა­ლავს კა­ნო­ნი­კუ­რი სა­მარ­თა­ლი?

კა­ნო­ნი­კუ­რი სა­მარ­თლის სპე­ცი­ა­ლის­ტის, ვლად ნარ­სი­ას  გან­მარ­ტებით, კა­ნო­ნი­კუ­რი სა­მარ­თლის ნორ­მები, ძალ­ზედ მოძ­ვე­ლებულია და სრუ­ლი­ად სხვა გა­რე­მო­ში ორი­ენ­ტი­რებისათ­ვის არის შექ­მნი­ლი. „თუმ­ცა, ამ კა­ნო­ნებს ღი­რებულება არ და­უ­კარ­გავთ, რად­გან ისი­ნი ერ­თა­დერ­თი სა­მარ­თლებრი­ვი წყაროა რა­საც შე­იძ­ლება მივ­მარ­თოთ სა­ეკ­ლე­სიო სა­მარ­თლის ტრა­დი­ცი­ის გა­ცოცხლებისათ­ვის. ეს ტრა­დი­ცია კი ეკ­ლე­სი­ის სა­მე­წარ­მეო საქ­მი­ა­ნობას­თან და­კავ­ში­რებით გვკარ­ნახობს, რომ ასე­თი საქ­მი­ა­ნობის უმ­თავ­რე­სი მი­ზა­ნი ქველ­მოქ­მე­დება და სო­ცი­ა­ლუ­რი მსახურებაა.  ეკ­ლე­სი­ას კა­ნო­ნით და­ცულ საზ­ღვრებში აქვს უფ­ლება სა­მე­წარ­მეო საქ­მი­ა­ნობის განხორ­ცი­ე­ლების, მაგ­რამ მა­ტე­რი­ა­ლუ­რი სიმ­დიდ­რის მო­პო­ვება უმ­თავ­რე­სად უნ­და ემ­სახურებოდეს საქ­ველ­მოქ­მე­დო მიზ­ნებს, რო­გო­რი­ცაა უპო­ვა­რებისა და ქვრივ-ობლების დახმა­რება, აღ­საზ­რდე­ლების გა­ნათ­ლებისათ­ვის ზრუნ­ვა და სხვა მსგავ­სი," - ამბობს ვლად ნარ­სი­ა.
ნარ­სია გან­მარ­ტავს, რომ კა­ნო­ნი­კუ­რი სა­მარ­თა­ლი კი­დევ ერთ აუ­ცი­ლებელ მოთხოვ­ნას აწე­სებს ეკ­ლე­სი­ის სა­მე­წარ­მეო საქ­მი­ა­ნობისა და სა­ეკ­ლე­სიო ქო­ნების დაგ­რო­ვებას­თან და­კავ­შირებით. კერ­ძოდ, სა­ეკ­ლე­სიო ქო­ნება მკაც­რად გა­მიჯნუ­ლი უნ­და იყოს სა­სუ­ლი­ე­რო პი­რის, მათ შო­რის ეპის­კო­პო­სის, კერ­ძო სა­კუთ­რებისა­გან. სა­სუ­ლი­ე­რო პირს არ აქვს უფ­ლება სა­მე­წარ­მეო საქ­მი­ა­ნობა თვით­ნებურად ეკ­ლე­სი­ის სახელით გა­ნახორ­ცი­ე­ლოს.
„რო­გორც ჩანს სა­ქარ­თვე­ლოს მარ­თლმა­დი­დებელ ეკ­ლე­სი­ა­ში ამ წე­სების დაც­ვა ძა­ლი­ან უძ­ნელ­დებათ. უკ­ვე ათე­უ­ლი წე­ლია კა­ნო­ნი­კუ­რი და რიგ შემთხვე­ვებში სა­ე­რო სა­მარ­თლის მოთხოვ­ნების უხეში დარ­ღვე­ვით სმე სახიფა­თო ცდებს უტა­რებს ქარ­თუ­ლი სა­ზო­გა­დოების მოთ­მი­ნებას. ჩე­მი ღრმა რწმე­ნით, ამ ხნის მან­ძილ­ზე ეკ­ლე­სი­ა­ში გვა­როვ­ნულ-კლა­ნუ­რი და­ნა­შა­უ­ლებრი­ვი საქ­მი­ა­ნობის აყვა­ვება სა­ეკ­ლე­სიო მმარ­თვე­ლი ად­მი­ნის­ტრა­ცი­ის უუ­ნა­რობაზე, ან ასეთ საქ­მი­ა­ნობას­თან მათ პი­რად ინ­ტე­რე­სებზე მეტყვე­ლებს," -  მი­იჩ­ნევს კა­ნო­ნი­კუ­რი სა­მარ­თლის სპე­ცი­ა­ლის­ტი, ვლად ნარ­სია

 თე­ო­ლო­გი მი­რი­ან გამ­რე­კე­ლაშ­ვი­ლი გან­მარ­ტავს, რომ სა­მი უმ­თავ­რე­სი აღ­თქმი­დან, რო­მელ­თაც ბერი დებს და მათ აღ­სრუ­ლებას იფი­ცებს, ერ­თერ­თი უპო­ვა­რებაა. თუმ­ცა ხდება სრუ­ლი­ად სა­პი­რის­პი­რო რამ. „მო­ნას­ტერ­ში მი­სულ ადა­მი­ან­თა­გან ვერ ყალიბდება მსხვი­ლი საძ­მოები, რო­გორც ეს წე­სით უნ­და ხდებოდეს. ბერები ქო­ნებრი­ვი და­ვების, შე­უ­თავ­სებელი ეკო­ნო­მი­კუ­რი ინ­ტე­რე­სების გა­მო მო­ნას­ტრებს ან ტო­ვებენ და ჩვე­უ­ლებრივ სამ­რევ­ლოებში საქ­მი­ა­ნობენ, ან თა­ვად აარ­სებენ ახალ მო­ნას­ტრებს, რა­თა ქო­ნების დაგ­რო­ვებაში ხელი არ შე­ე­შა­ლოთ. ამი­ტო­მა­ცაა სა­ქარ­თვე­ლო­ში უპ­რე­ცენ­დენ­ტო - ერ­თკა­ცი­ა­ნი მო­ნას­ტრები. ეპის­კო­პო­სების ქო­ნებაზე, აღა­ფერს ვიტყვი, ეს უკ­ვე დი­დი ხანია ლე­გენ­დებისა და ფან­ტას­ტი­კის სფე­როდ იქ­ცა. ბუნებრი­ვი ბერობის არ­სი არც მათ ეს­მით. ისი­ნი არ წყვე­ტენ ეკო­ნო­მი­კურ დახმა­რებას სა­კუ­თა­რი ოჯახებისა თუ ისი­ნი ეპის­კო­პო­სად გახდო­მა­დე ჰყავ­დათ, ხოლო ძი­რე­უ­ლი ბერები (ვინც არა­სო­დეს ყოფი­ლა დაოჯახებული) იჩე­ნენ „შვი­ლობილებს". ის რომ ბერები და ეპის­კო­პო­სები ასეთ ძვი­რად­ღი­რებული მან­ქა­ნებით გა­და­ად­გილ­დებიან, ასე ჩარ­თულ­ნი არი­ან სიმ­დიდ­რის მოხვე­ჭა­ში - უკ­ვე არის სა­შინ­ლად ან­ტიქ­რის­ტი­ა­ნუ­ლი მდგო­მა­რეობა, არა­თუ ერთჯერა­დი დარ­ღვე­ვა და შე­უ­საბამობა," - ამბობს მი­რი­ან გამ­რე­კე­ლაშ­ვი­ლი.

თე­ო­ლო­გი, რე­ლი­გი­ათ­მცოდ­ნე ლე­ვან აბაში­ძე აცხადებს, რომ სა­ეკ­ლე­სიო სა­მარ­თლის ნორ­მებით განსჯა დღე­ვან­დე­ლი რე­ა­ლიების საკ­მა­ოდ რთუ­ლი და ბუნ­დო­ვა­ნი თე­მა­ა. მი­სი თქმით, მრა­ვა­ლი ნორ­მა დღეს არ სრულ­დება, ხოლო მრა­ვა­ლი არც სრულ­დება და ვერც სრულ­დება.  „რად­გან ეს ნორ­მები 2000 წლის გან­მავ­ლობაში იქ­მნებოდა (უმე­ტე­სი მათ­გა­ნი 3-9 სა­უ­კუ­ნეებში), ძა­ლი­ან აქ­ტუ­ა­ლუ­რია მა­თი ინ­ტერ­პრე­ტა­ცი­ა. გვხვდება კუ­რი­ო­ზუ­ლი შემთხვე­ვებიც, მა­გა­ლი­თად, რჯულის­კა­ნო­ნის მიხედ­ვით ღვთის­მსახურს ეკ­რძა­ლება სა­როს­კი­პოების შე­ნახვა, ანუ ბორ­დე­ლის ბიზ­ნე­სი. აქე­დან ორი დას­კვნის გა­მო­ტა­ნა შე­იძ­ლება, ერ­თი ის რომ 5 სა­უ­კუ­ნე­ში ამ­გვა­რი მღვდლები იყვნენ, და მე­ო­რე ის რომ, სა­ვა­რა­უ­დოდ ღვთის­მსახურს სხვა მე­წარ­მეობა არ ეკ­რძა­ლებოდა (მა­გა­ლი­თად სას­ტუმ­როს ბიზ­ნე­სი). ამი­ტომ ჩე­მი აზ­რით ჯობს კითხვა არა სა­ეკ­ლე­სი სა­მარ­თლის მიხედ­ვით გან­ვიხილოთ, არა­მედ იმ კუთხით, თუ რის­კე­ნაც არის ეკ­ლე­სია მო­წო­დებული და ეწი­ნა­აღ­მდე­გება თუ არა ესა, თუ ის ქმე­დება ამ მო­წო­დების სუ­ლის­კვე­თებას (სუ­ლის­კვე­თება და არა კა­ნო­ნის სიტყვა). ქო­ნება, თა­ვის­თა­ვად არც კარ­გია და არც ცუ­დი. ცუ­დია თუ ის ან­გა­რებას­თან, მომხვე­ჭე­ლობას­თან, პი­რად გა­მორ­ჩე­ნას­თან და უკა­ნო­ნობას­თან არის და­კავ­ში­რებული; ქო­ნება კარ­გი­ა, თუ ის მოყვა­სის სიყვა­რულს ემ­სახურება, - გა­მოიყენება გა­ჭირ­ვებულის დახმა­რების­თვის, გა­მოიყენება დოვ­ლა­თის გა­სამ­რავ­ლებლად, რო­მე­ლიც ისევ მოყვასს (ხალხს) მო­ემ­სახურება"- აცხადებს თე­ო­ლო­გი, რე­ლი­გი­ათ­მცოდ­ნე, ლე­ვან აბაში­ძე.

სახელ­მწი­ფო ფი­ნან­სები სა­პატ­რი­არ­ქოს - რის­თვის იხარჯება ბიუჯეტის თანხები?

აღ­სა­ნიშ­ნა­ვი­ა, რომ სა­კუ­თა­რი შე­მო­სავ­ლებისა და ცენ­ტრა­ლუ­რი ხელი­სუფ­ლების­გან მი­ღებული და­ფი­ნან­სების გარ­და, სა­ქარ­თვე­ლოს სა­პატ­რი­არ­ქოს­თვის თანხებს  ად­გი­ლობრი­ვი მუ­ნი­ცი­პა­ლი­ტე­ტებიც იღებენ. კერ­ძოდ, „სა­ერ­თა­შო­რი­სო გამ­რჭვირ­ვა­ლობა სა­ქარ­თვე­ლოს“ მი­ერ გა­მოქ­ვეყნებული ბლო­გის მიხედ­ვით,  რო­მე­ლიც ად­მი­ნის­ტრა­ცი­უ­ლი ორ­გა­ნოების მი­ერ მი­წო­დებული ინ­ფორ­მა­ცი­ას ეფუძ­ნება, 2002 წლი­დან დღემ­დე ად­გი­ლობრი­ვი მუ­ნი­ცი­პა­ლი­ტე­ტების მი­ერ სა­ქარ­თვე­ლოს სა­პატ­რი­არ­ქო­სათ­ვის გა­მოყოფი­ლი თანხა 16 მი­ლი­ო­ნამ­დე ლარს შე­ად­გენს.
კონ­კრე­ტუ­ლად იმე­რე­თის რე­გი­ონ­ში არ­სებული რა­მო­დე­ნი­მე მუ­ნი­ცი­პა­ლი­ტე­ტი­დან, სხვა­დასხვა წლებში გა­მოყოფი­ლი თანხის სა­ერ­თო რა­ო­დე­ნობა კი - 552 000 ლა­რია.
გა­დამ­რიცხველ­თა შო­რის გა­მო­ირ­ჩე­ვა ვა­ნის მუ­ნი­ცი­პა­ლი­ტე­ტი, რო­მელ­მაც  2011-2012 წლებში, ად­გი­ლობრივ ეპარ­ქი­ას 280 000 ლა­რი გა­მოუყო. წყალ­ტუბოს მუ­ნი­ცი­პა­ლი­ტეტ­მა  მიმ­დი­ნა­რე წელს– 90 000 ლა­რი გა­ი­ღო; ხოლო სამ­ტრე­დი­ის მუ­ნი­პი­ტა­ლი­ტეტ­მა ად­გი­ლობრი­ვი ეპარ­ქია 2009 წელს 182 000 ლა­რით და­ა­ფი­ნან­სა.ყვე­ლა­ზე შთამბეჭ­და­ვი დახმა­რება მუ­ნი­ცი­პა­ლი­ტე­ტებიდან ფო­თის ან­გა­რიშ­ზე­ა. მან 5 მი­ლი­ო­ნი ლა­რი ჩა­უ­რიცხა ფო­თის ღვთის­მშობლის შობის სა­კა­თედ­რო ტა­ძარს აღ­დგე­ნა-რე­კონ­სტრუქ­ცი­ის­თვის.

 წმიდა მაქსიმე ბერძენი: უმძიმეს, სულის წარმწყმედ ცოდვად გვერაცხება დიდებული ტაძრები, ხატები, ბისონები, მიტრები, ჯვარ-პანაგიები მაშინ, როცა ტკბილხმოვან გალობასთან, სანთლების კვამლთან და გუნდრუკის ნელსუნელებასთან ერთად უამრავი მშიერ-მწყურვალი ბავშვის ტირილის ხმა სწვდება ზეცას.


თე­ო­ლო­გი მი­რი­ან გამ­რე­კე­ლაშ­ვი­ლი მი­იჩ­ნევს, რომ ეკ­ლე­სი­ით­ვის სახელ­მწი­ფოს­გან გა­და­რიცხული თანხაც უკონ­ტრო­ლოა და სა­პატ­რი­არ­ქოს მი­ერ ბოლო დროს გა­მოქ­ვეყნებული დო­კუ­მენ­ტებიც უბრა­ლოდ ფორ­მა­ლუ­რი ფაქ­ტუ­რაა ხარჯთაღ­რიცხვის. „დარ­წმუ­ნებული ვარ სა­ჭი­როების შემთხვე­ვა­ში მა­თი დო­კუ­მენ­ტუ­რად და­დას­ტუ­რება შე­უძ­ლებელია," - ამბობს მი­რი­ან გა­რე­კე­ლაშ­ვი­ლი.

კონ­კრე­ტულ ხარჯებზე საუბარი უჭი­რით სა­ქარ­თვე­ლოს სა­პატ­რი­არქ­ო­ში, მათ შო­რის, ქველ­მოქ­მე­დებასა და სო­ცი­ა­ლუ­რი მო­სახურების­თვის დახარჯულ ფი­ნან­სებზე. სა­პატ­რი­არ­ქოსსო­ცი­ა­ლუ­რი უზ­რუნ­ველყოფის დე­პარ­ტა­მენ­ტის თავმჯდო­მა­რე, ზუ­რაბ ვა­რა­ზაშ­ვი­ლი გან­მარ­ტავს, ისი­ნი არ აწარ­მოებენ აღ­რიცხვას, თუ რამ­დენ ადა­მი­ანს გა­ე­წია დახმა­რება და რა თანხა დაიხარჯა ამ მი­მარ­თუ­ლებით, რად­გან ამის სა­ჭი­როება არ დგას.
„ჩვენ­თა არის სა­თო­ნების სახლები, სა­დაც ყოველ­დღე კეთ­დება სა­დი­ლები. ასე­ვე გვაქვს წალ­კის­ში სახლი, სა­დაც ცხოვ­რობენ თავ­შე­საფ­რის გა­რე­შე დარ­ჩე­ნი­ლი ადა­მი­ა­ნები, არის სა­პატ­რი­არ­ქოს­თან არ­სებული შეზღუ­დუ­ლი შე­საძ­ლებლობების ­მქო­ნე ბავ­შვების ასო­ცი­ა­ცი­ა. არის ბავ­შვთა სახლები ზეს­ტა­ფონ­სა და ბათუმ­ში. სო­ცი­ა­ლუ­რი პროგ­რა­მები არის მო­ნას­ტრებში. ასე­ვე, ყვე­ლა ეკ­ლე­სი­ა­ში არის ჯგუ­ფი, რო­მე­ლიც სო­ცი­ა­ლურ მომ­სახურებას ეწე­ვა. ეკ­ლე­სიებში ეწე­ვი­ან ქველ­მოქ­მე­დებას. ძნე­ლი სათ­ქმე­ლი­ა, სულ  რამ­დე­ნი ადა­მი­ა­ნი სარ­გებლობს ამ მომ­სახურებით, ეს არ არის სტაბილუ­რი რიცხვი. არც მო­ითხოვს ეს საქ­მი­ა­ნობა გან­სა­კუთ­რებულ აღ­რიცხვას,  რო­დე­საც  ქველ­მოქ­მე­დება კეთ­დება, ამის სა­ჭი­როება არ არის," - ამბობს ზუ­რაბ ვა­რა­ზაშ­ვი­ლი.

თე­ო­ლო­გი მი­რი­ან გა­მრე­კე­ლაშ­ვი­ლი მი­იჩ­ნევს, რომ მრევ­ლი თა­ვად უნ­და იყოს ჩარ­თუ­ლი სა­ეკ­ლე­სიო ქო­ნების მარ­თვა-გან­კარ­გვა­ში, რაც სა­ქარ­თვე­ლო­ში არ ხდება. „შე­საბამი­სად იმის დად­გე­ნაც შე­უძ­ლებელი­ა, არის ეს ყვე­ლა­ფე­რი ვინ­მეს პი­რა­დი სარ­გებელი, თუ ეს ქო­ნება ეკ­ლე­სი­ის სო­ცი­ა­ლუ­რი საქ­მი­ა­ნობის­კენ მი­ე­მარ­თება," - ამბობს გა­მრე­კე­ლაშ­ვი­ლი. მი­სი­ვე გან­მარ­ტებით, განსხვა­ვებით და­სავ­ლე­თი­სა­გან სა­ქარ­თვე­ლო­ში არ არ­სებობს სამ­რევ­ლო კულ­ტუ­რა, ანუ არ ხდება სამ­რევ­ლოების ოფი­ცი­ა­ლუ­რად და­რე­გის­ტრი­რება. „ა­სეთ შემთხვე­ვა­ში ქო­ნება იქ­ნებდა უფ­რო საჯარო მოხმა­რების და მო­რა­ლუ­რა­დაც გა­მარ­თლებული იქ­ნებოდა მი­სი ფლობა," - მი­იჩ­ნევს თე­ო­ლო­გი მი­რი­ან გამ­რე­კე­ლაშ­ვი­ლი.


წმ. ილარიონ პიქტავიელი: "ხალხის სასმენელი უფრო წმინდა აღმოჩნდა, ვიდრე იერარქთა გულები".

წყარო

Please Share it! :)