ვინ დაუდგება გვერდში ქრისტიანებს?

მსოფლიო ებრაული კონგრესის (WJC) პრეზიდენტი რონალდ ლაუდერი, ორალ რობერტსის უნივერსიტეტის (ORU) პრეზიდენტი ბილი უილსონი, საერთაშორისო ქრისტიანული საელჩო იერუსალიმის (ICEJ) დირექტორი იურგენ ბიულერი ხელს აწერენ მსოფლიოს 120 ლიდერისადმი გაგზავნილ წერილს, რითაც ითხოვენ რეგიონის შევიწროებულ ქრისტიანთა დაცვას

ორშაბათს, 2014 წლის 13 ოქტომბერს, იერუსალიმში გამართულ პრეს-კონფერენციაზე უმსხვილეს საერთაშორისო ქრისტიანულ და ებრაულ ორგანიზაციათა ცნობილმა ლიდერებმა განაცხადეს ერთიანი ისტორიული ინიციატივის შესახებ, რომელიც მოუწოდებს მსოფლიოს ლიდერებს, მიიღონ სასწრაფო და მიზანსწრაფული ზომები ახლო აღმოსავლეთში ქრისტიანთა მხეცური დევნის აღსაკვეთად.
ერთიანი ინიციატივის შესახებ საზეიმოდ იქნა გამოცხადებული კარვობის დღესასწაულზე, რომელიც დაფინანსებული გახლდათ საერთაშორისო ქრისტიანული საელჩო იერუსალიმის მიერ და, რომელსაც ოთხმოცი ქვეყნიდან ჩამოსული 4,500-ზე მეტი ქრისტიანი დაესწრო.
ახლო აღმოსავლეთში ქრისტიანულ უმცირესობათა საგანგაშო მდგომარეობა უფრო და უფრო უარესდება, ვინაიდან მსოფლიოს ლიდერები უყურადღებოდ ტოვებენ ადამიანთა უფლებების ამ საშინელ დარღვევას, დიდი გულისტკივილითაა ნათქვამი წერილში, რომელიც ახლახან იქნა გაგზავნილი 95 დემოკრატიული ქვეყნის მთავრობათა თუ სახელმწიფოს მეთაურთა მიმართ. წერილს ხელს აწერენ სქსი აღმასრულებელი დირექტორი დრ. იურგენ ბიულერი, მსოფლიოს ებრაელთა კონგრესის პრეზიდენტი რონალდ ს. ლაუდერი და დრ. უილიამ მ. უილსონი, რომელიც გახლავთ უფლებამოსილი21 გლობალური საბჭოს (Empowered21 Global Counci) თანა-თავმჯდომარე და ორალ რობერტსის უნივერსიტეტის პრეზიდენტი.
დოქტორმა ბიულერმა აღნიშნა, რომ ეს ინიციატივა ისტორიული მნიშვნელობის მოვლენაა, ვინაიდან მასში მონაწილეობას იღებს რონალდ ლაუდერი. რონალდ ლაუდერი გახლავთ იმ ორგანიზაციის თავი, რომელიც მსოფლიოს ებრაელობის წარმომადგენელ სხვა ორგანიზაციებს აერთიანებს.
„ახლო აღმოსავლეთში მცხოვრებ ქრისტიანთა დღეს არსებული საშინელი მდგომარეობა გულისმომკვლელია და დასავლეთის ეკლესიებმაც კი გაცილებით უფრო მეტი უნდა გააკეთონ, რომ თანამორწმუნეთა ტანჯვა წინა პლანზე წამოსწიონ მთელი მსოფლიოს თვალწინ,“ − განაცხადა დოქტორმა ბიულერმა, „ამას გარდა, ამ რეგიონში მცხოვრებ დევნილ ქრისტიანთა დასაცავად წარმოთქმული მიმართვა მსოფლიოსადმი, ცნობილი იუდეველი ლიდერის მიერ, უპრეცედენტოა ჩვენს დროში. ჩვენ მივესალმებით ყველა იმ ადამიანის მზადყოფნას და კეთილმოსურნეობას, ვინც მხარს დაუჭერს ამ უძველეს, დევნილ ქრისტიანულ თემებს.“
„ისევე, როგორც ქრისტიანები იცავენ ებრაელებს ანტი-სემიტიზმისგან, ისევე, როგორც ქრისტიანები უჭერენ მხარს ისრაელს, ჩვენც, ებრაელები, მოვალენი ვართ , რომ ხმა ავიმაღლოთ მსოფლიოს სხვადასხვა კუთხეში მცხოვრებ ქრისტიანთა დევნის წინააღმდეგ,“ − თქვა ლაუდერმა, როდესაც განმარტა თავისი, როგორც მსოფლიოს ებრაელთა კონგრესის მეთაურის, მონაწილეობის მიზეზი ამ ინიციატივაში.
„მუსულმანმა ექსტრემისტებმა წამოიწყეს მასშტაბური თავდახმა ჩვენს დასავლურ ფასეულობათა, ჩვენი ცივილიზაციის, წინააღმდეგ და ებრაელებმა და ქრისტიანებმა მხარდამხარ უნდა ვიმოქმედოთ ამ საფრთხის დასაძლევად, რამეთუ დიდი ხნის განმავლობაში მსოფლიო დუმდა ამ ბოროტების შემყურე, მაგრამ ახლა მოქმედების დროა, რომ მერე ძალიან დაგვიანებული არ აღმოჩნდეს,“ − დასძინა ლაუდერმა.
„ეს წერილი მნიშვნელოვანი მხარდაჭერაა იმ ქრისტიანთათვის, რომელთაც რწმენისათვის დევნიან და ხოცავენ კიდეც მთელს მსოფლიოში, განსაკუთრებით ახლო აღმოსავლეთში,“ − თქვა დოქტორმა უილსონმა, ორუ-სა და უფლებამოსილი21 გლობალური საბჭოს, მთელს მსოფლიოში ევანგელისტ ლიდერთა უმსხვილესი გაერთიანების, წარმომადგენელმა. „ტექნოლოგიის ამ საუკუნეში ჩვენ ამ საგანგაშო ჩაგვრის მომსწრენი ვართ და უდიდესი პასუხისმგებლობა გვეკისრება ქრისტიანული თემების დასაცავად. ამ რთულ მდგომარეობაშ მყოფ ქრისტეს მიმდევართა უმეტესობა ძალადობაზე ძალადობით არ უპასუხებს და მაშასადამე, მათ სჭირდებათ საერთაშორისო სამთავრობო ავტორიტეტთა მხადაჭერა ამ უსამართლობის წინააღმდეგ თავდასაცავად.“
წერილის სამივე ხელმომწერმა წარმოთქვა სიტყვა იერუსალიმის ახალია პეის არენიდან, ორშაბათს, 13 ოქტომბერს, გამართულ პრეს-კონფერენციაზე, სადაც სქსი-ის ყოველწლიური კარვობის დღესასწაული იყო გაიმართა წელს. ასევე სიტყვით გამოვა ღირსი ენდრიუ უაიტი, ცნობილი, როგორც „ბაღდადის ქორეპისკოპოსი,“ ანგლიკანი სამღვდელო პირი, რომელიც ყველაზე აქტიურად გამოდის ერაყში ქრისტიანთა დევნის წინააღმდეგ.
მოგვიანებით, ორშაბათ საღამოს, ისრაელის პრეზიდენტი რეუვენ რივლინი, რონალდ ლაუდერთან ერთად, მიესალმება ბიბლიურ დღესასწაულზე, სუქოთზე, შეკრებილ ქრისტიანებს. იქ მყოფ საზოგადოებაში, ასევე, იქნება 24 პარლამენტარი მთელი მსოფლიოდან. ისინი ესწრებიან ისრაელის მოკავშირეთა ფონდის (Israel Allies Foundation) ყოველწლიურ თავმჯდომარეთა კონფერენციას (Chairmen’s Conference), რომელიც გახლავთ პრო-ებრაულ კანონმდებელთა საპარლამენტთაშორისო ფორუმი.
ასევე, მოელიან, რომ, თავმჯდომარეთა კონფერენციაზე წამოჭრილ სხვა საკითხებზე საუბრის გარდა, კანონმდებელნი ხმას აიმაღლებენ ახლო აღმოსავლეთში ქრისტიანთა დევნის წინააღმდეგ.








მსოფლიო ებრაული კონგრესის (WJC) პრეზიდენტი რონალდ ლაუდერი

ვინ დაუდგება გვერდში ქრისტიანებს?

რატომ არის მსოფლიო ჩუმად, როდესაც ქრისტიანები იხოცებიან ახლო აღმოსავლეთსა და აფრიკაში? ევროპასა და ამერიკაში ჩვენ გვაქვს დამოწმებული დემონსტრაციები პალესტინელების სიკვდილზე, რომელთაც ჰამასი-ტერორისტული ორგანიზაცია, რომელიც აკონტროლებს ღაზას, ცოცხალ ფარებად იყენებდა. გაერთიანებული ერების ორგანიზაციას აქვს წამოწყებული მრავალი გამოძიება და თავისი ყურადღება და რისხვა გადააქვს ისრაელის დასაცავად, იბრძვის ამ ტერორისტული ორგანიზაციის წინააღმდეგ. მაგრამ ქრისტიანების ამ ბარბაროსული სასაკლაოს მიუხედავად, ათასობით ხალხი ამ ყველაფერს გულგრილად უყურებს.ახლო აღმოსავლეთი და ცენტრალური აფრიკის გარკვეული ადგილები კარგავენ მრავალ ქრისტიანს, რომლებიც საუკუნეების განმავლობაში ამ ტერიტორიაზე მშვიდად ცხოვრობდნენ. ტერორისტულ ჯგუფს, ბოკო ჰარამს, ათასობით ქრისტიანი ჰყავს ნაწამები და მოკლული მთელი წლის განმავლობაში. ნახევარი მილიონი არაბი ქრისტიანი არის გაყვანილი სირიიდან ამ ბოლო სამი წლის განმავლობაში. ქრისტიანებს აწამებდნენ და კლავდნენ ყველგან, ლიბანიდან სუდანამდე.

ისტორიკოსებს შეუძლიათ გადაავლონ თვალი ამ პერიოდს და გაუკვირდებათ კარგავდა თუ არა ხალხი ერთმანეთთან ურთიერთობებს. რამდენიმე რეპორტიორმა იმოგზაურა ერაყში, რათა დაემოწმებინათ ტერორიზმის ნაცისტური ტალღა, რომელიც მოძრაობს მთელი ქვეყნის მასშტაბით. გაერთიანებული ერები ძირითადად იყვნენ დადუმებულები. მსოფლიო ლიდერები არკვევდნენ სხვადასხვა საკითხებს 2014 წლის ამ უცნაურ ზაფხულში. და რატომ ლამაზი ცნობილი სახეები და მოძველებული როკ-ვარსკვლავები – რატომ არ ააქტიურებს მათ სოციალურ ანტენებს ქრისტიანების მასიური ხოცვა?

პრეზიდენტი ობამა უნდა შევაქოთ, რადგან მისი ბრძანებით მოხდა საჰაერო თავდასხმა ათი ათასობით იეზიდის გადასარჩენად. ისინი იცავდნენ უძველეს რელიგიას და სუნიტმა მუსულმანებმა ალყაში მოაქციეს ერაყის ჩრდილოეთით ერთ-ერთ მთაზე. მაგრამ სამწუხაროდ საჰაერო შეტაკებები არ კმარა იმისთვის, რომ შეწყდეს ეს ტერორიზმი.

ისლამური მხარე ერაყსა და სირიაში (ISIS) იუდაისტური ჯგუფის დაკარგული კოალიცია არ არის, არამედ რეალური სამხედრო ძალა, რომელსაც შეუძლია ერაყის დიდი ნაწილის აღება. ისინი იყენებენ ფულს სხვადასხვა ბანკებიდან, ოქროს მაღაზიებიდან, რომლებიც აქვთ დატყვევებული, ასევე აკონტროლებენ ნავთობის რესურსებს და იყენებენ ფულის გამოძალვის ძველ მეთოდებს, რათა დააფინანსონ სხვადასხვა “სიკვდილის მანქანები” და ასე ვთქვათ, მსოფლიოში ყველაზე მდიდარ ისლამისტურ ტერორისტულ ჯგუფად ითვლებიან. ისინი განსაკუთრებით სასტიკად ექცევიან შიიტებს, იეზიდებსა და ქრისტიანებს.

“მათ ფაქტობრივად თავი მოკვეთეს ბავშვებს და შემდეგ ეს თავები ჯოხებზე ჩამოაცვეს.” -უთხრა CNN-ს ამერიკელმა ბიზნესმენმა, სახელად მარკ არაბომ, რომელიც აღწერდა მოსულის სკვერში მომხდარ სცენას. -“უფრო და უფრო მეტ ბავშვს ჰკვეთენ თავებს, დედებს აუპატიურებენ და შემდეგ კლავენ, მამებს კი სახრჩობელაზე კიდებენ”. ამ კვირაში 200,000 არამელი გაიქცა საკუთარი სამშობლოდან, რომელიც არის ნინევესთან ახლოს.

საზოგადოების გულგრილობა ISIS-ის მიერ ქრისტიანების მასობრივი ხოცვა-ჟლეტის მიმართ, ეს არა მხოლოდ არასწორი, არამედ ყველაზე დიდი საშინელებაა.

ბუდაბეშტში ათასობით ქრისტიანის წინაშე გამოსვლის წინ მე მივიღე მკაცრი გადაწყვეტილება, რომ არ ვიქნებოდი ჩუმად როდესაც ევროპასა და ახლო აღმოსავლეთში იზრდება ანტი-სემიტიზმის დონე, არ ვიქნებოდი გულგრილი ქრისტიანების ტანჯვის მიმართ. ისტორიულად, ყველაფერი სხვაგვარად იყო: ებრაელები დევნიდნენ უმცირესობებს, მაგრამ ახლა ისრაელი ერთ-ერთი პირველი ქვეყანაა, რომელიც ეხმარება ქრისტიანებს სამხრეთ სუდანში. ქრისტიანებს თავისუფლად შეუძლიათ საკუთარი რელიგიის გავრცელება ისრაელში, განსხვავებით ახლო აღმოსავლეთისგან.

ებრაელებსა და ქრისტიანებს შორის ამ კავშირს დიდი აზრი აქვს. ჩვენ ვავრცელებთ იმაზე მეტს, ვიდრე სხვა რელიგიები. ჩვენ ვკითხულობთ იმავე ბიბლიას, ვავრცელებთ იმავე მორალურ და ეთიკურ ღირებულებებს. მაგრამ ახლა სამწუხაროდ გვიწევს ცუდი ინფორმაციის გავრცელება, რომ ქრისტიანები იტანჯებიან და კვდებიან საკუთარი რწმენისა და ღირებულებების გამო, მაგრამ ამას არანაირი გამოხმაურება არ მოყვება, მსოფლიო გულგრილია მათი ტანჯვის მიმართ.

კარგი ხალხი უნდა გაერთიანდეს და შეაჩეროს ეს აღმაშფოთებელი ძალადობის ტალღა. ეს არ ნიშნავს იმას, თითქოს ჩვენ უძლურები ვართ. ამას ვწერ, როგორც მსოფლიოში ყველაზე ძლიერი სამხედრო ძალის მქონე ქვეყნის მოქალაქე. ამას ვწერ, როგორც ებრაელი ლიდერი, რომელიც ღელავს თავის ქრისტიან და-ძმებზე.

ებრაელ ხალხს ძალიან კარგად ესმის, თუ რა არის ის, როდესაც მთელი სამყარო ჩუმადაა. ეს სიკვდილის კამპანია დაუყონებლივ უნდა შეწყდეს.

რონალდ ლაუდერი მსოფლიო ებრაელთა კონგრესის პრეზიდენტი

წყარო: ჟურნალი nytimes

თარგმნა: სალომე ჯებისაშვილმა.

წყარო

Please Share it! :)