ჰოლანდიური არქიტექტურის სტუდია – Universe Architecture 3-განზომილებიანი პრინტერის მეშვეობით პირველად გეგმავს სახლის აშენებას.
Universe Architecture-ის არქიტექტორი იტალიელ გამომგონებელთან ერთად, რომელმაც 3-განზომილებიანი პრინტერი შექმნა, ააშენებს სახლს.
3-განზომილებიანი ბეჭდვის ვებ-გვერდზე ციტირებულია ჰოლანდიელი არქიტექტორის სიტყვები: „ეს იქნება 3-განზომილებიანი პრინტერის მეშვეობით აგებული მსოფლიოში პირველი შენობა. იმედი მაქვს მისი დასრულების შემდეგ, საზოგადოებას მისი ღიად ხილვის საშუალება ექნება.“
სახლის პროექტირებისთვის არქიტექტორთა ჯგუფი მუშაობს მათემატიკოს და მხატვარ რინუს რულოვსთან ერთად. ვარაუდობენ, რომ მისი დასრულება 18 თვეში იქნება შესაძლებელი.
3-განზომილებიანი პრინტერი დატოვებს ამოსავსებ სივრცეებს, რომელიც მეტი სიმტკიცისთვის შეივსება ბოჭკოვანი ბეტონით. შემდეგ, ამოვსებული ნაწილები სახლის ასაგებად ერთმანეთს შეუერთდება.
2009 წელს, არქიტექტორმა ანდრეა მორგანტმა შექმნა 3 მეტრის პავილიონი, რომელიც იმ დროს 3-განზომილებიანი პრინტერის მეშვეობით აგებული ყველაზე დიდი ობიექტი იყო.
ვრცლად: dezeen
Комментариев нет:
Отправить комментарий